Ինչպես արդեն տեղեկացրել ենք, երեկ տեղի ունեցավ դերասանուհի Ռոզա Դավթյանի հարսանիքը:
Համացանցում տարածված տեսանյութերից նկատեցինք, որ երիտասարդ դերասանուհուն եկեղեցու խորան ուղեկցեց հորեղբայրը` ԳՇ նախկին պետ Արտակ Դավթյանը։
Հիշեցնենք, որ Ա. Դավթյանին մեղադրանք է առաջադրվել «Անորակ հրթիռների» գործով։
Ըստ ՀՀ գլխավոր դատախազության, Դավթյանին մեղադրանք է առաջադրվել ՀՀ քրեական օրենսգրքի 375-րդ հոդվածի 3-րդ մասով` պետի (հրամանատարի) կամ պաշտոնատար անձի կողմից իշխանությունը կամ պաշտոնեական դիրքը չարաշահելը, իշխանազանցությունը կամ պաշտոնեական լիազորությունների սահմանն անցնելը, ինչպես նաև իշխանության անգործությունը, եթե այդ արարքները կատարվել են շահադիտական, անձնական այլ շահագրգռվածությունից կամ խմբային շահերից ելնելով, և եթե դրանք նյութական ծանր հետևանքներ են առաջացրել:
Հոդվածի այս կետով 4-8 տարվա ազատազրկում է նախատեսվում` գույքի բռնագրավումով կամ առանց դրա:
Նույն գործով մեղադրանք է առաջադրվել նաև ՀՀ պաշտպանության նախկին նախարար Դավիթ Տոնոյանին, ՀՀ ԶՈւ ավիացիայի նախկին պետ Ավետիք Մուրադյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:
