Հայազգի մարտիկ Արման Ծառուկյանը UFC 300-ում Չարլզ Օլիվեյրային հաղթելուց հետո մրցաշարի մամուլի ծառայությանը տված հարցազրույցում պատասխանել է թեթև քաշային կարգի գործող չեմպիոն Իսլամ Մախաչևի գրառմանը:
Ռուսաստանցի մարտիկը գրել էր՝ «Պատրա՛ստ եղիր, շուտով կհանդիպենք, տղա՛»: Մախաչևն այս գրառումը կատարել էր այն բանից հետո, երբ 27-ամյա Ծառուկյանն Օլիվեյրային հաղթելուց հետո օկտագոնում խնդրել էր դաղստանցու հետ ռևանշ մենամարտ անցկացնելու հնարավորություն տալ:
«Այո, շուտով կհանդիպենք, տղա՛»,- պատասխանել է Ծառուկյանը Մախաչևի գրառմանը:
2019-ին Ծառուկյանն UFC-ում նորամուտը նշել էր Մախաչևի դեմ մենամարտով և լարված պայքարում պարտվել միավորներով։ UFC-ում հայ մարտիկը տարել է 9 հաղթանակ, պարտվել երկու անգամ։
Աղբյուրը՝ shantnews.am