Ներքին գործերի նախարար Վահե Ղազարյանն ու ՆԳՆ Ոստիկանության պետ, ոստիկանության գեներալ-մայոր Արամ Հովհաննիսյանը 2023-ը հայտարարել են պայքար ապօրինի զենք-զինամթերքի դեմ, ինչի արդյունքում վերջին ամիսներին ՆԳՆ Ոստիկանության տարբեր ստորաբաժանումներ ու ՆԳՆ Ոստիկանության պարեկային ծառայության ծառայողները հայտնաբերել են ոչ միայն մեծ թվով զենք-զինամթերք, այլ նաև քաղաքացիների հետ տարված բացատրական աշխատանքների արդյունքում քաղաքացիներն իրենք են կա՛մ ոստիկանության բաժիններ ներկայացրել իրենց մոտ պահող զենք-զինամթերքը, կա՛մ ահազանգել են ոստիկանություն ու հայտնել, թե որտեղ են թողել իրենց մոտ պահվող զենք զինամթերքը: Հայտնում է Shamshyan.com-ը։
Ոստիկանության Արմավիրի մարզային վարչության և Արմավիրի մարզն ընդգրկող՝ Ոստիկանության Վաղարշապատի, Արմավիրի, Մեծամորի, Բաղրամյանի բաժինների ծառայողները այնքան զենք-զինամթերք են հայտնաբերել, որ կարելի է զինել մի ամբողջ գունդ: