Երևանի քաղաքապետարանի գործակարգավարական նիստում քաղաքապետ Տիգրան Ավինյանը տրանսպորտի վարչությանը հանձնարարել է Երևանի հանրային տրանսպորտի համար ավտոբուսների ձեռքբերման հաջորդ մրցույթը հայտարարել բացառապես էլեկտրական շարժիչով ավտոբուսների համար։
Քաղաքապետը կարևորել է, որ Երևանի տրանսպորտային ցանցն առաջիկայում ամբողջությամբ կազմված լինի էլեկտրական ավտոբուսներից։
«Հաջորդ փուլով մենք ունենք «Higer» մակնիշի ավտոբուսների փոխարինման անհրաժեշտություն։ Արդեն ժամանակն է, որ ամբողջությամբ անցնենք էլեկտրական ավտոբուսներին։ Սա նշանակում է, որ տրանսպորտի վարչությունը հաջորդ մրցույթը հայտարարի բացառապես էլեկտրական ավտոբուսների համար»,- ասել է Տիգրան Ավինյանը։
