Երևանի կենտրոնական փողոցներում, հատկապես՝ Հերացի և Աբովյան հատվածներում, այսօր երթևեկությունը կաթվածահար է։
Խցանումների հիմնական պատճառը երեկվանից քաղաքապետարանի կողմից իրականացվող ճանապարհաշինարարական աշխատանքներն են, որոնց հետևանքով երթևեկությունը նշյալ փողոցներում կանգ է առել։ Վարորդները երկար ժամանակ չեն կարողանում ելք գտնել խցանված հատվածներից, իսկ բեռնատար մեքենաների և ավտոբուսների կուտակումներն իրավիճակն ավելի են բարդացնում։
Իրավիճակն առավել լարված է դարձել նաև հոսանքազրկման պատճառով՝ մի շարք հատվածներում լուսացույցները չեն աշխատում, ինչը խախտել է երթևեկության բնականոն ընթացքը:
