shantnews.am-ը գրում է․ UFC-ի թեթև քաշային կարգի դասակարգման առաջատար Արման Ծառուկյանը խոսել է գործող չեմպիոն Իսլամ Մախաչևի հետ հարաբերությունների և նրա հետ սպասվող մենամարտի մասին:

«Խեղդող հնարքներն այնքան էլ դիտարժան չեն: Ամերիկացիները սիրում են նոկաուտները: Իմ նախավերջին մենամարտում Դարիուշին հաղթեցի հենց նոկաուտով: Իսլամին նոկաուտի ենթարկելն ավելի հեշտ է, քան խեղդող հնարքով հաղթելը, բայց կարևորը հաղթելն է: Մախաչևի հետ մենամարտից առաջ պետք է աշխատեմ բոլոր ուղղություններով, հատկապես մեծ ուշադրություն պետք է դարձնեմ պաշտպանությանը: Մենամարտը չեմ տեղափոխելու պարտեր, ինչպես արեցի առաջին անգամ: Ավելի շատ աշխատելու եմ կանգնած դիրքից և փորձելու եմ ճնշել նրան:

Ես մեծ հարգանք ունեմ Մախաչևի նկատմամբ, մենք թշնամիներ չենք, այո՛, պարզելու հարցեր եղել են, բայց այժմ ամեն ինչ կարգին է»,- 27-ամյա հայ մարտիկի խոսքերը մեջբերում է «Спорт Экспресс»-ը:

Մախաչև-Պորյե մենամարտը կայանալու է հունիսի 1-ին: