tert.am/am/life-ը գրում է. «Մի անգամ մայրս եկավ իմ ներկայացմանը, սարսափելի դուրը չեկավ, հետո ես արգելեցի նրան գալ իմ ներկայացումներին:
Ասաց՝ սա ի՞նչ է, սա թատրո՞ն է: Նա ավելի դասական մոտեցում ունի թատրոնին, ես էլ ասացի՝ դու բան չես հասկանում, մի արի: Ես չեմ սիրում, որ մարդիկ գալիս են ինձ նայելու: Սկզբում բարեկամներիս արգելում էի, հիմա արդեն չեն էլ գալիս, բարեկամներ էլ չունեմ առանձնապես:
Ես հիմա ապրում եմ ծնողներիս հակառակ, որովհետև երեխային միշտ պիտի գնահատես, եթե անգամ նա վատ գնահատական բերեց, պիտի ասես՝ ոչինչ, մյուս անգամ լավը կբերես:
Ինձ մոտ այդպես չի եղել: Սովետական ընտանիք է եղել, ես միշտ ընդվզել եմ, և եթե իմ մեջ կան ինչ-որ բարդույթներ, ապա դա գալիս է անցյալից»,- «Կերպարից դուրս» հաղորդման շրջանակներում անկեղծացել է դերասան Սերգեյ Դանիելյանը:
