shantnews.am-ը գրում է․ Խառը մենամարտերի թեթև քաշային կարգում UFC-ի առաջատար Արման Ծառուկյանը նշել է, թե ինչով է զբաղվելու մարզական կարիերայի ավարտից հետո։
«Եթե ММА-ում չլինեի, կլինեի շինարար՝ հորս նման։ Կկառուցեի տներ, քոթեջային ավաններ։ Հիմա էլ հասկանում եմ, որ կարիերայիս ավարտից հետո կսկսեմ զբաղվել շինարարական բիզնեսով»,- Արման Ծառուկյանի խոսքերը մեջբերում է «Комсомольская правда»-ն։
Արման Ծառուկյանը գրեփլինգի կանոններով մենամարտ կանցկացնի Ֆրանսիայի ներկայացուցիչ Բենուա Սեն-Դենիի հետ։ Մենամարտը տեղի կունենա մայիսի 18-ին Փարիզում՝ խառը մենամարտերի AXDC մրցաշարում։
Արման Ծառուկյանը խառը մենամարտերում տարել է 22 հաղթանակ, կրել 3 պարտություն։