Ապրիլի 22-ին՝ ժամը 11:00-ի սահմաններում, Աբովյան քաղաքի Զորավար Անդրանիկի պողոտայում բախվել են Կոտայքի մարզի բնակիչ 36-ամյա Գ. Գևորգյանի վարած «ՎԱԶ 2121» մակնիշի՝ «21DI221» համարանիշի և Գեղարքունիքի մարզի բնակիչ 87-ամյա Ա. Ստեփանյանի վարած «ՎԱԶ 2121» մակնիշի՝ «34QL834» համարանիշի ավտոմեքենաները:
Shamshyan.com-ի հաղորդմամբ՝ վթարի հետևանքով 1 հոգի տեղափոխվել է հիվանդանոց, իսկ Գ. Գևորգյանը ավտոմեքենայով բախվել է ծառին և մասամբ հայտնվել ճանապարհի մեջտեղում:
Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, և հնարավոր է այն փոխանցվի ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին: