shantnews.am-ը գրում է. Հայաստանի հավաքականի ավագ Վարազդատ Հարոյանը «Ցինդաո Վեսթ Քոսթի» կազմում կարմիր քարտ է ստացել։ «Բեյցզին Գոանի» դեմ Չինական Սուպերլիգայի 7-րդ տուրի խաղը հայ պաշտպանը սկսել է մեկնարկային կազմում և ուղիղ կարմիր քարտով խաղադաշտից հեռացվել է 53-րդ րոպեին։
Այդ խաղում «Ցինդաո Վեսթ Քոսթը» պարտվել է 1-4 հաշվով։ Ակումբը 7 միավորով 11-րդ տեղում է։
Վարազդատ Հարոյանն ակումբային մակարդակում ստացել է կարիերայի 4-րդ կարմիր քարտը։ 31-ամյա ֆուտբոլիստը չինական ակումբի կազմում անցկացրել է 7 հանդիպում։