Գագիկ Ծառուկյանի հետ հանդիպման ժամանակ երիտասարդները նրանից հետաքրքրվել են՝ Քրիստոսի արձանի կառուցումից հետո ո՞ւմ արձանը կկառուցեր։
«Առանց երկար մտածելու՝ հարցին կպատասխանեմ, որ կկառուցեի հայ կնոջ արձանը: Հայ կանայք արժանի են մեծարման և գնահատականի:
Ցանկացած հզոր տղամարդու, եթե հարցնեք, կասի, որ ինչ էլ անենք կանանց համար, միևնույն է՝ պարտք ենք մնում: Տղամարդու պատիվը, ընտանիքի անունը դա կինն է:
Եղել է պատերազմ, կանայք իրենց որդիներին կորցրել են, այդ վիշտը, ցավն ու սպին մինչև կյանքի վերջ մնում են, բայց իրենք այնքան համարձակ են, որ աշխարհին ապացուցում են, որ կոտրվող չեն, պայքարում են ու չեն հաշտվում: 40-50 տարեկան կինը՝ պայքարում է, որդի է ունենում, անունը նույնն է դնում, ու աշխարհին ցույց է տալիս, որ մենք պարտվող չենք»,-ասել է նա:
