«Էրիկի հետ նորմալ հարաբերություններ ունենք, բայց ոչ մտերիմ: Նա ժամանակին իմ սանն է եղել, երբ Վրաստանից եկավ 10-11 տարեկան էր: Մոտ 5-6 տարի միասին աշխատել ենք, իր ոճն ենք ձևավորել, աշխատել ենք վոկալի վրա, սանրվածքի, այսինքն՝ պրոդյուսերություն եմ արել, ուսուցիչ եմ եղել իր համար: Նա լսում ու շատ հարգում էր ինձ, ու շատ մեծ հեռանկար էի տեսնում իր համար, ինչը և եղավ: Մի փուլ եղավ, որ նա չլսեց ինձ, ես սրտնեղեցի, մի քայլ արեց, որը ես չկարողացա ներել և այդ կապը կտրվեց:

Ներելը մեծ առաքելություն է, բայց չեմ կարողանում ներել: Հոգուս խորքում չեմ կարողանում ներել, կարող եմ տվյալ մարդու հետ խոսել, շփվել, բայց ներքուստ չեմ ներում»,- «Rendez-Vous» հաղորդման շրջանակներում պատմել է երգահան Մարինա Թագակչյանը: