Ավելի քան մեկ դար ապրելը հազվադեպ բան է, բայց ապրել 108 տարի և ամբողջ կյանքում չմտնել սիրային հարաբերությունների մեջ՝ արդեն իսկ զարմանալի է։
Երիտասարդ տարիներին Կլարան աշխատել է տնային տնտեսուհի և քարտուղար, իսկ Երկրորդ համաշխարհային պատերազմի ժամանակ մեկնել է Եգիպտոս՝ ծառայելու բրիտանական բանակում։ 1960-ականներին նա տեղափոխվեց Կորնուոլ և ապրեց այնտեղ մինչև կյանքի վերջը։ Միայն 104 տարեկանում Կլարան տեղափոխվեց ծերանոց։
Մարդկանց հետաքրքրում էր՝ ինչն է նրա երկար կյանքի գաղտնիքը։ Իր 105-ամյակի օրը Կլարան պատմել է, որ իրեն օգնել են երկար քայլելն ու երբեմն մի բաժակ գինի խմելը, բայց ամենակարևորն այն է, որ նա միշտ ապրել է միայնակ՝ առանց հարաբերությունների։
Կլարան պատմել է, որ դեռ 12 տարեկանում որոշել էր երբեք չամուսնանալ։ «Ես մեծացել եմ այն ժամանակներում, երբ աղջիկները պետք է միայն երևային, բայց ոչ հնչեին։ Այդ պատճառով ես սովորեցի ինքնուրույն ապրել ու իմ ապրուստը վաստակել», — ասել է նա։
Նա պատմել է, որ ունեցել է շատ լավ ընկերական հարաբերություններ տղամարդկանց հետ, բայց երբեք չի ցանկացել գնալ ավելի հեռուն։ «Ես երբեք հետաքրքրված չեմ եղել այդ կողմով։ Կարծում եմ՝ շատ խնդիրներ են լինում նման բաներում, իսկ ես միշտ զբաղված եմ եղել այլ գործերով», — նշել է նա։
Շատերն էլ հետաքրքրվել են՝ արդյոք նա երբևէ սիրահարվել է։ Կլարան պարզապես պատասխանել է, որ չի հանդիպել այնպիսի մարդու, ում հետ կցանկանար ապրել կամ ամուսնանալ։
Նրա ամենամտերիմ ընկերուհին՝ Ջոսին, 105-ամյակի օրը կատակով ասել է․ «Գուցե հենց այն հանգամանքը, որ երբեք տղամարդ չի ունեցել կողքին, է նրան այսքան երիտասարդ պահել»։
Կլարայի կյանքը հաճախ բերում են որպես օրինակ այն մարդկանց համար, ովքեր ապրում են խաղաղ ու հավասարակշռված՝ առանց պարտադիր հետևելու հասարակական սպասումներին։ Նա միշտ ասում էր, որ երջանկությունը գալիս է ոչ թե հարաբերություններից, այլ ներքին հանգստությունից։
«Ես երբեք չեմ զղջացել իմ որոշման համար։ Ես միշտ երջանիկ եմ եղել միայնակ, զբաղված իմ գործերով և ազատ՝ անել այն, ինչ սիրում եմ», — ասել է նա։
Կլարա Միդմորը ապացուցեց, որ կյանքի երկարությունն ու երջանկությունը միշտ չէ, որ կախված են սիրային պատմություններից կամ ընտանիքից։ Նրա պատմությունը հիշեցնում է, որ յուրաքանչյուր մարդ կարող է գտնել իր ձևը՝ ապրել լիարժեք, ինքնուրույն և երջանիկ կյանք։
Post navigation
