28-ամյա Կեյթլին Ջենսենը, ով ունեցել է մեջքի ուժեղ ցավեր, գնացել է օստեոպատի մոտ: Սեանսի ժամանակ բժիշկը սխալ է ուղղել նրա ողնաշարը, ինչի արդյունքում արտերիան պատռվել է, առաջացնելով արյունահոսություն: Արդյունքում, Կեյթլինի մոտ առաջացել են առողջական ծանր խնդիրներ՝ պարալիզություն, տեսողության կորուստ և սննդի ընդունման դժվարություններ: Այս մասին գրում է The Indipendent-ը։

Բուժման և ֆիզիոթերապիայի շնորհիվ բժիշկները կարողացել են վերականգնել մարմնի աջ շրջանի անշարժացած հատվածը, և այժմ աղջիկը կարողանում է ինքնուրույն ուտել, սայլակով տեղաշարժվել և խոսել: Սակայն բժիշկները պնդում են, որ լիարժեք ապաքինում իրականացնելը դժվար է։